Haqqımızda

Abu Life GROUP – Sizin doğmanız

"Abu Life" mağazalar şəbəkəsi 2006-cı ildən etibarən Qazax rayonunda fəaliyyətə başlamış və bu günə qədər müştəri məmnuniyyətini əsas prinsip kimi qəbul edən, dinamik inkişaf edən bir şirkətə çevrilmişdir. Yaranışından bu günə qədər "Abu Life" yüksək keyfiyyətli məhsul çeşidi, peşəkar komanda və müasir xidmət yanaşması ilə regionda minlərlə müştərinin etimadını qazanmışdır. Fəaliyyətimizə 2007-ci ildən etibarən mobil telefonların satışı ilə başlamışıq. Bu sahədə qazandığımız uğur və artan müştəri tələbatı bizi daha da irəli getməyə ruhlandırdı. 2013-cü ildə Qazax rayonunda, 2015-ci ildə isə Ağstafa rayonunda elektronika mağazalarımız istifadəyə verildi. Bu genişlənmə sayəsində daha çox insanı keyfiyyətli məhsul və yüksək səviyyəli xidmətlə təmin etmək imkanı qazandıq. Şirkətimiz 2016-cı ildən yeni bir mərhələyə qədəm qoyaraq Qazaxda mebel mağazasının fəaliyyətə başlaması ilə "Abu Life GROUP" adı altında birləşdi. Bu birlik sayəsində həm elektronika, həm məişət texnikası, həm də mebel sahəsində daha güclü, peşəkar və kompleks xidmət göstərən bir brendə çevrildik. Hazırda dünyanın tanınmış məişət avadanlıqları və elektronika brendlərinin rəsmi dileri kimi fəaliyyət göstəririk. Biz müştərilərimizə orijinal, zəmanətli və sərfəli məhsullar təklif etməklə yanaşı, onların seçim və alış prosesini asanlaşdırmaq üçün daim yenilənən çeşid və texnoloji yeniliklərlə xidmət edirik. 2023-cü ilin mart ayında Qazax şəhərində analoqu olmayan, modern formatda qurulmuş yeni mağazamızın açılışı həyata keçirildi. Bu mağaza, həm dizaynı, həm də funksionallığı baxımından regionda ilk və təkdir. Ardınca, 2024-cü ilin aprel ayında Tovuz rayonunda möhtəşəm açılış mərasimi ilə yeni mağazamızın fəaliyyəti başladı və bu genişlənmə ilə daha çox bölgəyə keyfiyyətli xidmət çatdırmaq məqsədimizi bir addım da irəli apardıq. "Abu Life GROUP" olaraq bizim üçün ən önəmli dəyər müştəri məmnuniyyəti və etimadıdır. Bu səbəbdən də, satdığımız bütün məhsulların keyfiyyəti və münasib qiymətlərlə təqdim olunması bizim əsas prinsiplərimizdəndir. Həmçinin, məhsulların çatdırılması və quraşdırılması xidmətlərini də tamamilə ödənişsiz şəkildə həyata keçirərək müştərilərimizin rahatlığını təmin etməyə çalışırıq. Bu gün "Abu Life" ailəsində 100-dən artıq əməkdaş çalışır. Hər bir əməkdaşımız işinə məsuliyyətlə yanaşır, müştərilərlə doğma münasibət qurur və bu da bizim "Sizin doğmanız" sloqanımızın real təcəssümüdür. Biz kimik və nəyə inanırıq? Missiyamız: Regionda ən etibarlı və keyfiyyətli elektronika, mebel və məişət texnikası brendi olmaq. Dəyərlərimiz: Etibar, şəffaflıq, xidmət mədəniyyəti, davamlı inkişaf. Hədəfimiz: Geniş məhsul çeşidini sərfəli qiymətlərlə təqdim etməklə yanaşı, texnologiya və komfortu hər evə çatdırmaq. // Qurumun adı : "ABU-LIFE OE GROUP" Məhdud Məsuliyyətli Cəmiyyət // Hüquqi ünvan : AZ3500 , Qazax rayonu, Heydər Əliyev , ev 60 Vöen : 4201922391